Allt sem Google býður upp á er í þína þágu
Skráðu þig inn á Google reikninginn þinn til að nýta alla þjónustu Google til fulls. Með reikningnum geturðu gert meira með því að sérsníða upplifun þína á Google og fá þægilegan aðgang að mikilvægum upplýsingum hvar sem þú ert.
Hjálpar þér
Þegar þú ert skráð(ur) inn vinnur öll Google þjónustan sem þú notar þægilega saman til að aðstoða þig við verkefni dagsins, t.d. við samstillingu Gmail við Google dagatal og Google kort til að tryggja að þú missir ekki af neinu.
Gert fyrir þig
Reikningurinn veitir sambærilega, sérsniðna og stillanlega upplifun hvert sem þú ferð, óháð því hvaða tæki eða Google þjónustu þú notar.
Verndar þig
Google reikningurinn þinn er varinn með fyrsta flokks öryggiseiginleikum sem hjálpa við að greina og útiloka ógnir sjálfkrafa, jafnvel áður en þær ná til þín.
Reiðubúin til aðstoðar
Google reikningurinn þinn sparar þér tíma með því að fylla sjálfkrafa út aðgangsorð, heimilisföng og greiðsluupplýsingar með því að nota þær upplýsingar sem þú hefur vistað á reikningnum þínum.
Þegar þú skráir þig inn á Google reikninginn þinn mun öll þjónusta Google hjálpa þér að koma meiru í verk. Til dæmis er staðfestingum á flugbókunum í innhólfi Gmail sjálfkrafa bætt við Google dagatalið og Google kort til að tryggja að þú komir á réttum tíma út á flugvöll.
Með einni innskráningu færðu sérsniðna og hnökralausa upplifun í öllu sem Google býður upp á, allt frá áframhaldandi áhorfi á YouTube myndskeið í mismunandi tækjum til þess að geta auðveldlega nálgast tengiliðina þína og uppáhaldsforritin úr Play Store. Google-reikningurinn þinn auðveldar þér einnig að skrá þig á öruggan og fljótlegan hátt inn á forrit þriðja aðila og þannig tryggja að kjörstillingar þínar fylgi þér jafnvel utan Google.
Aðeins fyrir þig
Þú ert aldrei meira en einum smelli frá gögnunum þínum og stillingum. Það eina sem þú þarft að gera er að ýta á prófílmyndina og fylgja tenglinum á „Stjórna Google reikningnum“. Úr prófílmyndinni þinni geturðu einnig skráð þig inn eða út á auðveldan hátt og opnað huliðsstillingu.
Þegar kemur að persónuvernd gerum við okkur grein fyrir því að það sama hentar ekki öllum. Það er ástæðan fyrir því að gagnsæjar og sérsniðnar stýringar og verkfæri fylgja hverjum Google reikningi, á borð við „Yfirferð persónuverndarstillinga“, svo þú getir valið persónuverndarstillingar sem henta þér. Þú getur einnig stjórnað því hvaða gögn eru vistuð á reikningnum þínum með því að kveikja og slökkva á stillingum og jafnvel eytt gögnunum þínum eftir dagsetningu, vöru og efnisatriði.
Með Google reikningnum þínum geturðu vistað allar persónuupplýsingarnar þínar á einum öruggum stað, þ.m.t. kreditkort, aðgangsorð og tengiliði, svo þú hafir alltaf aðgang að þeim með nettengingu.
Hjálpar við að tryggja persónuvernd og öryggi gagnanna þinna
Google reikningurinn þinn verndar persónuupplýsingarnar þínar sjálfkrafa og heldur þeim öruggum. Með hverjum reikningi eru öflugir eiginleikar á borð við ruslsíu sem lokar á 99,9% af hættulegum tölvupósti áður en hann berst þér og öryggistilkynningar sem láta þig vita af grunsamlegri virkni og skaðlegum vefsvæðum.
Þetta einfalda verkfæri býður upp á sérsniðnar tillögur til að tryggja öryggi reikningsins þíns.
Á Google reikningnum þínum er innbyggð aðgangsorðastjórnun sem vistar aðgangsorðin þín á öruggan hátt á einum stað sem aðeins þú hefur aðgang að.